کراچی: قومی ٹیم کے آل راؤنڈر شاداب خان نے قومی اولمپک کھلاڑیوں کے لیے فنڈ اکٹھے کرنے کا اعلان کردیا۔
تفصیلات کے مطابق قومی کرکٹر شاداب خان نے سماجی رابطے کی ویب سائٹ ٹویٹر پر لکھا کہ ’میں آئندہ سال اگلے اولمپکس کی تیاریوں کے لیے پاکستان کے اولمپک کھلاڑیوں کے لیے فنڈ جمع کرنے کا وعدہ کرتا ہوں۔
انہوں نے لکھا کہ طلحہ طالب جیسے کھلاڑیوں کو دیکھتے ہوئے ہم سب کو پاکستان کے ہیروز کی حمایت میں اپنا کردار اد اکرنا چاہیے۔
Within the next year, I pledge to set up a fund for Pakistan’s Olympic’s athletes in preparation for the next Olympics. Looking at people like Talha Talib, we all should play our part in supporting Pakistan’s heroes. Please join me for Pakistan. #SKOlympicsFund #PakistanZindabad
— Shadab Khan (@76Shadabkhan) July 25, 2021
شاداب خان نے اپیل کی کہ پاکستان کے لیے میرے ساتھ شامل ہوں، انہوں نے ہیش ٹیگ ایس کے اولمپکس فنڈ کا استعمال کیا۔
واضح رہے کہ ٹوکیو اولمپکس 2020 میں پاکستان سے تعلق رکھنے والے نوجوان ویٹ لفٹر نے تاریخ رقم کردی۔
Pakistan is proud of Talha Talib. Urge sponsors and sports administration to help athletes like Talha, they have the potential to bring home Olympic medals and make Pakistan proud if given the facilities and financial support. #SupportAthletes #OlympicGames pic.twitter.com/Hp4TryjwPC
— Shadab Khan (@76Shadabkhan) July 25, 2021
ٹوکیو اولمپکس 2020 میں اتوار کے روز 67 کلوگرام کیٹگری کے لیے مردوں کے مقابلے ہوئے، جس میں پاکستان کے شہر گوجرانوالہ سے تعلق رکھنے والے طلحہ طالب نے بھی حصہ لیا۔
طلحہ طالب 67 کلو گرام کیٹگری کے مقابلے میں کامیابی تو حاصل نہ کرسکے مگر انہوں نے تاریخ رقم کی اور پانچویں نمبر پر رہے۔
