کراچی : شہر قائد میں پولیس نے ننھی ماہم سے زیادتی کے بعد قتل کا مقدمہ درج کرلیا ، مقدمے میں انسداد دہشت گردی کی دفعات بھی شامل کی گئی ہے۔
تفصیلات کے مطابق کراچی کے علاقے کورنگی کے زمان ٹاؤن تھانے میں ننھی ماہم کے قتل اور زیادتی کا مقدمہ درج کرلیا گیا ، مقدمےمیں انسداد دہشت گردی کی دفعات بھی شامل کی گئی ہے۔
دوسری جانب کورنگی سے لاپتہ ہونے والی دوسری بچی کا 24گھنٹے بعد بھی پتہ نہیں چل سکا ، لاپتہ ہونےوالی ثمرہ بھی گزشتہ رات گھرسےگئی تھی ، تاہم زمان ٹاؤن پولیس نے ثمرہ کے لاپتہ ہونے کا مقدمہ بھی درج کرلیا ہے۔
یاد رہے زمان ٹاؤن سے لاپتہ 6 سالہ بچی کی لاش برآمد ہوئی تھی، جس کے بعد بچی کی لاش کا پوسٹ مارٹم کرایا گیا ، جس میں لیڈی ایم ایل او ڈاکٹر ثمیہ نے بچی ماہم سے زیادتی کی تصدیق کرتے ہوئے کہا تھا کہ بچی سے پہلے زیادتی کی گئی اس کےبعد قتل کیا گیا۔
ایم ایل او نے ابتدائی رپورٹ اور ویڈیو بیان میں انکشاف کیا گیا تھا کہ ماہم کوناک اور منہ بند کرکے قتل کیا گیا اور قتل کےدوران ہی زور لگانے سےگردن کی ہڈی ٹوٹی۔
لیڈی ایم ایل او کا کہنا تھا کہ زیادتی کے دوران اسے بدترین تشدد کا نشانہ بھی بنایا گیا، ڈی این اے سمیت دیگر تمام نمونےحاصل کرلیے ہیں، رپورٹ آنے کے بعد واضح ہوگا کہ کتنے افراد نے زیادتی کی، ہم نے اپنی ابتدائی رپورٹ تیار کرلی ہے۔
بعد ازاں 6 سالہ بچی کے زیادتی کے بعد قتل کے واقعے میں پولیس نے کارروائی کرتے ہوئے 10 سے زائد مشتبہ افراد کو حراست میں لے لیا ہے اور تفتیش جاری ہے۔
