ٹوکیو: ٹوکیو اولمپکس کا میلہ آب و تاب کے ساتھ جاری ہے، میگا ایونٹ میں شامل انگلش ایتھلیٹ نے تاریخ رقم کردی۔
جاپان میں ٹوکیو اولمپکس کا میلہ آب و تاب کے ساتھ جاری ہے، جہاں نت نئے ریکارڈ بن رہے ہیں، کہیں خوشی سےسر شار چہرے ہیں تو کہیں ہار پر پُرنم آنکھیں۔
میگا ایونٹ میں آج تاریخ رقم ہوئی، جہاں کراؤڈ فنڈنگ سے ٹوکیو اولمپکس تک پہنچنے والی بی ایم ایکس ریسر نے گولڈ میڈل جیت لیا۔
یہ بھی پڑھیں: “مجھے لگا کہ میں جیت گئی”، پھر مجھے حقیقت کا علم ہوا
بائیس سالہ بی ایم ایکس ریسر بیتھ شریور کا تعلق انگلینڈ سے ہے، ٹوکیو اولمپکس میں شرکت کے لئے برطانوی حکومت نے بیتھ شریور کی مدد نہ کی، مگر کھلاڑی نے ہمت نہ ہاری اور کراؤڈ فنڈنگ کے زریعے رقم جمع کرتے ہوئے ٹوکیو اولمپکس میں آپہنچی۔
آج ہونے والی بی ایم ایکس ریسنگ میں بائیس سالہ بیتھ شریور نے اپنے ملک سمیت دنیا کو حیران کردیا اور بی ایم ایکس ریسنگ میں دو مرتبہ کی چیمپئن ماریانہ کو ہرا کر انگلینڈ کیلئے پہلا گولڈ میڈل اپنے نام کرلیا۔
