لاہور : معاون خصوصی فردوس عاشق اعوان نے سندھ حکومت پر تنقید کرتے ہوئے کہا کہ سندھ حکومت نے ہٹ دھرمی کامظاہرہ کرکےمکمل لاک ڈاؤن کا فیصلہ کیا ،جس سے پاکستان کی معیشت کو نقصان ہوگا۔
تفصیلات کے مطابق معاون خصوصی فردوس عاشق اعوان نے اپنے بیان میں کہا کہ کورونا وائرس کی شدت سندھ میں زیادہ ہے،کورونا کا شکار سندھ کے شہری وفاق کی جانب دیکھ رہے ہیں۔
فردوس عاشق اعوان کا کہنا تھا کہ سندھ حکومت نے ہٹ دھرمی کامظاہرہ کرکےمکمل لاک ڈاؤن کا فیصلہ کیا ، مکمل لاک ڈاؤن سے لوگوں کا روزگار متاثر ہوتا ہے، سندھ میں لاک ڈاؤن سے پاکستان کی معیشت کونقصان ہوگا۔
یاد رہے گذشتہ روز وزیراطلاعات فواد چوہدری نے کہا تھا کہ صوبے لاک ڈاؤن سے متعلق انفرادی فیصلہ نہیں کرسکتے، اگراین سی او سی طریقہ کار کے مطابق نہیں چلیں گے تو وفاقی حکومت آئینی اختیارات استعمال کرے گی۔
ان کا کہنا تھا کہ سوچنا ہوگا کہ آخر کراچی میں کورونا کی شرح30فیصد تک پہنچی کیوں؟ وہ اس لیے کہ سندھ حکومت کورونا ایس اوپیز پر عمل درآمد نہیں کراسکی
