سیالکوٹ : بھارتی جارحیت کا سلسلہ تھمنے کا نام نہیں لے رہا، سیالکوٹ کے چارواہ سیکٹر میں بھارتی فوج کی بلااشتعال فائرنگ سے دو رینجرز اہلکاروں سمیت تین افراد زخمی ہوگئے۔
بھارتی جارحیت و ریشہ دوانیوں کا سلسلہ بدستور جاری ہے، سیالکوٹ کے چارواہ سیکٹر میں بھارتی فوج کی بلااشتعال فائرنگ سے دو رینجرزاہلکاروں سمیت تین افراد زخمی ہوئے، بھارتی فائرنگ سے متعدد بے زبان مو یشی بھی جان سےگئے ، مارٹر گولوں سے کئی مکانات کو بھی نقصان پہنچا۔
بھارتی اشتعال انگیزی کے باعث ورکنگ باؤنڈری سے قریب اسکولوں کی چھٹیاں کر دی گئیں ہیں، بھارت میں انتہا پسند جماعت کو اقتدار ملنے کے بعد پاکستانی سرحد پر بھارتی کا فورسز کی اس طرح کی کارروائیوں میں روز بروز اضا فہ ہو تا جا رہا ہے، جس سے سرحدی علاقوں میں شدید خوف ہراس پایا جاتا ہے۔
