اسلام آباد: چین سے کورونا ویکسین 20لاکھ ڈوز پاکستان پہنچ گئیں جبکہ مزید 20لاکھ سائینو ویک ڈوز کل اسلام آبادلائی جائیں گی۔
تفصیلات کے مطابق چین سے کوروناویکسین کی بھاری کھیپ پاکستان منتقل کردی گئی ، ذرائع کا کہنا ہے کہ پی آئی اے کی پرواز 20 لاکھ ڈوز لیکراسلام آبادپہنچ گئی ہے ، پاکستان نے 20لاکھ سائینو ویک ڈوزچینی کمپنی سے خریدی ہیں۔
ذرائع نے بتایا کہ ویکسین کی کھیپ فیڈرل ای پی آئی کے مرکزی ویئر ہاؤس منتقل کردی ہے جبکہ چین سے مزید 20لاکھ سائینو ویک ڈوز کل اسلام آبادلائی جائیں گی، سائینوفام ویکسین صوبوں کوحسب ضرورت فراہم کی جائےگی۔
ذرائع کے مطابق رواں ماہ 2 کروڑ سے زائد کورونا ویکسین ڈوز پاکستان پہنچ چکی ہیں، رواں ماہ ساڑھے3کروڑسےزائدویکسین ڈوزپاکستان لائی جائیں گی۔
یاد رہے 11 اگست کو کوویکس کی فراہم کردہ چینی ساختہ کورونا ویکسین کی کھیپ پاکستان پہنچی تھی ، کوویکس کی جانب سے 10 لاکھ سائنوفام ڈوز فراہم کی گئی ، کوویکس سے پاکستان کو سائنوفام ویکسین پہلی بار ملی تھی۔
خیال رہے کوویکس پاکستان کو تاحال81 لاکھ ویکسین ڈوز فراہم کر چکا ہے، جس میں 55 لاکھ موڈرنا،25 لاکھ آسٹرازنیکا ڈوز اورایک لاکھ فائزر ویکسین ڈوز شامل ہیں۔
