اشتہار

امریکی فوج کا سامان افغان بچوں کیلئے ‘تفریح ‘ کا سبب بن گیا، دیکھیئے دلچسپ ویڈیو

اشتہار

حیرت انگیز

کابل: افغانستان میں طالبان کے کنٹرول کے بعد امریکی فوج کا رہ جانے والا جنگی سازو سامان افغان بچوں کی تفریح کا سامان بن گیا ہے۔

سوشل میڈیا پر افغان بچوں کی امریکی فوج کی جیپ کے ساتھ کھیلتے اور لطف اندوز ہونے کی ویڈیو تیزی سے وائرل ہورہی ہے،سوشل میڈیا پر وائرل ویڈیو میں دیکھا جاسکتا ہے کہ بچے امریکی فوجیوں کی ٹوٹی ہوئی جیپ میں کھیل رہے ہیں۔

کابل پر قبضے کے بعد افغان طالبان کی ایک ویڈیو نے سوشل میڈیا صارفین کو تفریح کا موقع فراہم کیا تھا، ویڈیو میں طالبان کو کابل میں ایوان صدر میں موجود جم میں داخل ہونے اور وہاں پر ورزش کرتے دیکھا گیا تھا۔

- Advertisement -

طالبان جنگجوؤں کی ورزش کرتے یہ ویڈیو سابق افغان صدر اشرف غنی کے ملک سے فرار اور طالبان کے صدارتی محل میں داخل ہونے کے بعد بنائی گئی تھی۔

اس سے قبل بھی طالبان جنگجوؤں کی بچوں کی برقی گاڑیاں چلاتے ویڈیو وائرل ہوئی تھی، ویڈیوز میں دیکھاجاسکتا تھا کہ جنگجو بچوں کے جھولوں میں ہیں اور بچوں کی گاڑیاں بھی چلا تے ہوئے لطف اندوز ہورہے ہیں۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں