اسلام آباد: میر مرتضیٰ بھٹو کی بیٹی فاطمہ بھٹو نے افغانستان پر بولنے پر اداکارہ انجلینا جولی کو مقبوضہ کشمیر اور فلسطین یاد دلادیا۔
ہالی ووڈ اداکارہ انجلینا جولی نے انسٹاگرام جوائن کیا جس میں انہوں نے افغانستان میں بحران کا سامنا کرنے والے لوگوں کی آواز دنیا تک پہنچانے کے لیے پوسٹ شیئر کی۔
فاطمہ بھٹو نے غیرملکی ستاروں کے اس رویے کو آڑے ہاتھوں لیا، انہوں نے بی بی سی کی انجلینا جولی کی لگائی گئی خبر کو ری ٹویٹ کیا اور کہا کہ ’کچھ معروف حقوق نسواں اور اداکاراؤں کے مطابق افغانستان پچھلے ہفتے تک جنت تھا۔‘
Judging by some leading feminsts and actresses, Afghanistan was a paradise until last week. pic.twitter.com/lZg5OpyIrZ
— fatima bhutto (@fbhutto) August 23, 2021
ایک اور ٹویٹ میں فاطمہ نے انجلینا کو افغانستان پر بولنے پر شکریہ ادا کیا اور لکھا کہ ’اگلی بار فلسطین میں ہونے والے مظالم پر بھی آواز بلند کریں۔‘
Thanks so much. Do Palestine next. pic.twitter.com/MHdx0PtNtv
— fatima bhutto (@fbhutto) August 23, 2021
آخر میں فاطمہ بھٹو نے ایک بار پھر بی بی سی کی تصویر کے ساتھ تمام صارفین سے سوال کیا کہ کیا انجلینا کو کسی نے مقبوضہ کشمیر کے بارے میں آگاہ کیا ہے؟
(Has anyone told her about Kashmir?) pic.twitter.com/hyhkf5YNj1
— fatima bhutto (@fbhutto) August 23, 2021
واضح رہے کہ گزشتہ دنوں سوشل میڈیا سے دور رہنے والی انجلینا جولی نے باقاعدہ طور پر انسٹاگرام میں شمولیت اختیار کی، اداکارہ نے اپنےانسٹاگرام کو افغانستان میں بحران کا سامنا کرنے والے لوگوں کی آواز کو دنیا تک پہنچانے کے لیے استعمال کر رہی ہیں۔
انجلینا جولی ہالی ووڈ کی سپر اسٹار ہونے کے ساتھ ساتھ اقوام متحدہ کی خصوصی سفیر بھی ہیں۔