اسلام آباد : ملک بھر میں کورونا وائرس نے زور پکڑ لیا، مریضوں کی تعداد میں اضافے کے ساتھ ساتھ اموات بھی بڑھنے لگیں، ایک دن میں تعداد 141تک جا پہنچی۔
نیشنل کمانڈ اینڈ آپریشن سینٹر (این سی او سی) نے کورونا کے تازہ ترین اعداد و شمار جاری کردیئے، جس کے مطابق گزشتہ 24گھنٹوں میں ملک میں کورونا کے 141 مریض جاں بحق ہوگئے۔
این سی اوسی کا کہنا ہے کہ اب تک ملک بھر میں کورونا سے تاحال 25ہزار220اموات ہوچکی ہیں،24گھنٹےمیں 4199 افراد میں کورونا وائرس کی تصدیق ہوئی۔
ایک دن میں61ہزار410کورونا ٹیسٹ کیے گئے، پاکستان میں کورونا کے فعال کیسز کی تعداد 91ہزار204ہے، جبکہ ملک میں مجموعی طور پر11 لاکھ 35 ہزار 858 کورونا کیس سامنے آچکے ہیں۔
نیشنل کمانڈ اینڈ آپریشن سینٹر کے مطابق ملک میں کورونا کے 10 لاکھ 19 ہزار 434 مریض صحت یاب ہو چکے ہیں،جبکہ کورونا کے 503 مریض وینٹی لیٹر پر زیرعلاج ہیں۔
