انگلینڈ کے خلاف تیسرے ٹیسٹ میچ میں بھارتی ٹیم کی بدترین کارکردگی پر سوشل میڈیا صارفین نے کھلاڑیوں کو نشانے پر لے لیا، مزاحیہ تبصروں کے ذریعے ٹیم کی خوب درگت بنائی۔
تفصیلات کے مطابق انگلینڈ اور بھارت کے درمیان کھیلے جارہے تیسرے ٹیسٹ کا پہلا روز بھارت کے لیے ڈراؤنا خواب ثابت ہوا تھا اور وہ صرف 78 رنز کے مجموعے پر آل آؤٹ ہوگئی تھی۔ یہ بھارت کی انگلینڈ کی سرزمین پر 47 سال بعد بدترین کارکردگی ہے، قبل ازیں 1974 میں بھارتی ٹیم مانچسٹر ٹیسٹ کی دوسری اننگز میں 52 رن بناکر آؤٹ ہوئی تھی۔
بھارتی ٹیم کی ناقص کارکردگی پر کیے جانے والے تبصرے سوشل میڈیا پر ٹرینڈ بنے۔ سماجی رابطے کی سائٹ ٹوئٹر پر ایک صارف نے طنزیہ انداز میں لکھا مذکورہ میچ کے دوران بھارتی کھلاڑیوں کی بیٹنگ کے بعد یوگنڈا نے بھی آئی سی سی سے ٹیسٹ اسٹیٹس دینے کا مطالبہ کردیا ہے۔
ایک صارف نے لکھا ٹیسٹ میچز کی تاریخ میں بھارت کم ترین اسکور بنانے والا ساتواں ملک بن گیا، یہ کرکٹ کی تاریخ میں پہلی اننگز میں بنایا جانے والا تیسرا کم ترین اسکور ہے۔
78 all out is India's 7th lowest total in Test history (when all out)
It's also their 3rd lowest total in Test history in the 1st innings of a match (when all out)#engvsindia #Cricket
— Saj Sadiq (@Saj_PakPassion) August 25, 2021
اسی طرح ایک اور نے مذاقاً کہا دکھ کی بات کیا ہے؟ بھارتی کی پوری ٹیم کا 78 سکور پر آؤٹ ہو جانا، یہ ایسا ہوا ہے کہ آپ فیل ہو جائیں جبکہ آپ کا دوست ٹاپ کرجائے۔
سوشل میڈیا پر عام صارفین کے علاوہ صحافی بھی تبصرے کررہے ہیں۔ اویس توحید کا کہنا تھا کہ ایسا لگا بھارتی ٹیم ٹیسٹ کے پہلے ہی دن شکست کھا گئی۔ ایک صارف نے سوشل میڈیا پر ویرات کوہلی کی تصویر شیئر کرتے ہوئے لکھا کہ ویرات کوہلی آج بھر ڈریسنگ روم میں جلدی چلے گئے۔
It seems India has lost this Test match on a very first day..: bundled out for 78 in 1st innings #ENGvIND
— Owais Tohid (@OwaisTohid) August 25, 2021
Virat #Kohli back in dressing room early today. 😢 pic.twitter.com/x3CtxrIBit
— Shah Aziz ♛(شاہ عزیز)♛ (@ShahAziz9) August 25, 2021
