نیشنل کمانڈ اینڈ آپریشن سینٹر (این سی او سی) نے کہا ہے کہ پاکستان نے ویکسینیشن سے متعلق ایک اور سنگ میل عبور کر لیا۔
ملک میں 5کروڑ سے زائدویکسین ڈوز لگانے پر این سی اوسی نے ٹوئٹ کر کے لکھا کہ شاباش پاکستان! ویکسین کی 5کروڑ سے زائد ڈوز لگانے کا سنگ میل عبور کر لیا۔
این سی اوسی کا کہنا ہے کہ اگراب تک ویکسین نہیں لگائی توخودکوویکسین لگوائیں، دوسری خوراک کے منتظر ہیں 28 روز بعد کسی بھی ویکسی نیشن سینٹر سےجائیں۔
Well done Pakistan!!! Landmark of 5 Crore COVID vaccine doses (50 Million doses) crossed!!! If not vaccinated yet, please get yourself vaccinated! In case you are due for 2nd dose, just walk in to any vaccination center after 28 days of 1st dose!!! Lets make Pakistan Safe!!
— NFRCC (@NFRCCofficial) August 27, 2021
ٹوئٹ میں کہا گیا ہے کہ آئیں ملک کرپاکستان کومحفوظ بنائیں۔
دوسری جانب امریکا کی طرف سے عطیہ کی جانے والی فائزر ویکسین کی تیس لاکھ 70 ہزار سے زائد خوراکیں خصوصی طیارے کے ذریعے اسلام آباد پہنچا دی گئیں۔
وزارتِ صحت کے مطابق امریکا پاکستان کو ویکسین کا سب سے بڑا عطیہ دینے والا ملک ہے۔
اسلام آباد میں قائم امریکی سفارت خانے کے حکام کی جانب سے جاری اعلامیے میں بتایا گیا ہے کہ پاکستان میں 6 فیصد آبادی کی ویکسی نیشن مکمل کرلی گئی ہے، فائزر ویکسین پہنچنے سے پاکستان میں جاری ویکسی نیشن عمل میں تیزی آئے گی۔
