کراچی: شوبز انڈسٹری کی معروف اداکارہ کومل عزیز خان ویڈیوز اینڈ فوٹوز شیئرنگ ایپ انسٹاگرام پر چاہنے والوں کی تعداد ڈیڑھ ملین ہونے پر خوشی سے نہال ہوگئیں ہیں۔
انسٹاگرام اسٹوری پر کومل عزیز نے اپنی پروفائل کا اسکرین شاٹ شیئر کیا جس میں دیکھا جاسکتا تھا کہ ان کے چاہنے والوں کی تعداد پندرہ لاکھ ہوگئی ہے۔
اس سے قبل انسٹاگرام اسٹوری پر ہی اداکارہ نے بیرون ملک روانگی کے لیے ضروری کووڈ ٹیسٹ کرانے کی بھی مختصر ویڈیو شیئر کی، تاہم انہوں نے یہ نہیں بتایا کہ وہ کس ملک کا سفر کرنے والی ہیں؟
واضح رہے کہ چند ماہ قبل اداکارہ کومل عزیز خان نے انسٹاگرام پر مداحوں سے سوال و جواب کا ایک سیشن رکھا تھا، جس میں انہوں نے مداحوں کی جانب سے پوچھے گئے سوالات کے جواب دئیے تھے۔
اداکارہ نے بتایا تھا کہ وہ عبدالستار ایدھی اور ادیب رضوی جیسی شخصیات سے متاثر ہیں اور ایسے ہی دیگر ان تمام لوگوں سے جو انسٹاگرام پر اسٹوری شیئر کیے بغیر خدمت خلق کرتے ہیں۔
