شوبز انڈسٹری کی معروف اداکارہ سجل علی کی پوسٹ پر بھارت کی پنجابی اداکارہ سونم باجوہ کا کمنٹ وائرل ہوگیا۔
اداکارہ سجل علی نے اپنے نئے ڈرامے کی پوسٹ شیئر کی تو انہیں مداحوں اور ساتھی اداکاروں کی جانب سے مبارک باد پیش کی گئی جن میں بھارتی پنجابی اداکارہ سونم باجوہ بھی شامل تھیں۔
اداکارہ کنزہ ہاشمی، امر خان، مایا علی، زارا نور نے بھی سجل علی کی پوسٹ پر ان کے لیے نیک تمناؤں کا اظہار کیا۔
کمنٹ کرنے والوں میں ناصرف پاکستان بلکہ بھارتی شخصیات بھی پیش پیش رہیں، پہلے شبانہ اعظمی انکی مسکراہٹ پر فدا دکھائی دیں تو سونم باجوہ کے محبت بھرے کمنٹ نے بھی سب کی توجہ حاصل کرلی۔
سونم باجوہ نے سجل علی کی پوسٹ پر کمنٹ کرتے ہوئے کہا کہ ’آپ مجھے حیران کرنے میں کبھی ناکام نہیں ہوتیں‘۔
واضح رہے کہ یہ پہلی بار نہیں ہے کہ سونم باجوہ نے سجل علی کی تعریف کی ہو وہ اس سے قبل بھی ان کی تعریف کرچکی ہیں۔
