کابل: افغانستان میں بیس سال سے جاری جنگ کے خاتمے کے بعد اقتدار حاصل کرنے والے طالبان نے ایک ہی دن میں ہیلی کاپٹر اڑانا سیکھ لیا ہے۔
تفصیلات کے مطابق طالبان کے ہیلی کاپٹر اڑانے کی ویڈیو سوشل میڈیا پر وائرل ہوگئی۔ طالبان نے اپنا جھنڈا باندھ کر ہیل کاپٹر اڑایا۔ افغان شہریوں نے ہیلی کاپٹر اڑانے کے مناظر چھتوں پر کھڑے ہوکر دیکھے۔
کئی افراد طالبان کے ہاتھوں اڑنے والے ہیلی کاپٹر کا سڑکوں سے نظارہ کیا۔ متعدد سوشل میڈیا صارفین نے ان مناظر کو ناقابل یقین قرار دیا، بہت سے لوگ دنگ رہ گئے۔
طالبان کا ایک بڑا قافلہ پنجشیر جا رہا ہے
فضا میں ہیلی کاپٹر موجود ہے اور قافلے کے ساتھ چل رہا ہے pic.twitter.com/DIMkrJyJqR— افغان اردو (@AfghanUrdu) September 1, 2021
بعض شہریوں کا کہنا ہے کہ ان مناظر پر یقین کرنا بہت مشکل ہے۔
علاوہ ازیں طالبان کی جانب سے تیارہ کردہ خصوصی بدری فورس 313 اور فتح فورس کے دستوں نے سڑکوں پر مارچ کیا۔ افغانستان کی سڑکوں پر طالبان کی گاڑیوں کی لمبی قطاریں دیکھی گئیں۔
خیال رہے کہ کابل ایئرپورٹ سمیت پورے افغانستان کا نظام طالبان کے ہاتھ میں آچکا ہے اور اب وہ ملک چلانے کے لیے حکمت عملی تیار کررہے ہیں۔
