ڈھاکا: بنگلہ دیش نے ڈھاکا میں کھیلے جانے والے پہلے ٹی 20 میچ میں نیوزی لینڈ کو 7 وکٹوں سے شکست دے دی۔
تفصیلات کے مطابق ڈھاکا میں کھیلے جانے والے پہلے ٹی 20 میچ میں کیوی ٹیم 16.5 اوورز میں 60 رنز پر ڈھیر ہوگئی، میزبان ٹیم نے مطلوبہ ہدف 15ویں اوور 3 وکٹوں کے نقصان پر حاصل کرلیا۔
اس سے قبل کیوی ٹیم 60 رنز پر ڈھیر ہوگئی تھی، ٹام لیتھم اور ہینری نکولس نے 18، 18 رنز کے علاوہ کوئی کیوی بیٹسمین ڈبل فگر میں داخل نہ ہوسکا تھا۔
مستفیض الرحمان نے تین اور نسم احمد، شکیب الحسن اور محمد سیف الدین نے دو، دو وکٹیں حاصل کیں۔
All over at Mirpur!
Bangladesh register a convincing seven-wicket win with five overs to spare and go 1-0 up in the T20I series 👏#BANvNZ | https://t.co/4Bvg9arZLr pic.twitter.com/BH9d6hRwDE
— ICC (@ICC) September 1, 2021
بنگلہ دیش کی جانب سے شکیب الحسن 25 رنز بنا کر نمایاں رہے، مشفیق الرحیم نے 16 اور محمود اللہ نے 14 رنز کی ناقابل شکست اننگز کھیلی۔
نیوزی لینڈ کی جانب سے اعجاز پٹیل، کولی میکونچی اور رچن روندرا نے ایک، ایک وکٹ حاصل کی۔
بنگلہ دیش نے مہمان ٹیم کے خلاف سیریز میں 1-0 کی برتری حاصل کرلی۔
