سڈنی: آسٹریلیا کے مشہور یوٹیوبر بورڈی موس نے بیچ سمندر میں بنائی گئی سانپ کی ویڈیو سوشل میڈیا پر شیئر کردی جسے دیکھ کر ان کے مداح ورطہ حیرت میں مبتلا ہوگئے۔
غیرملکی خبررساں ادارے کے مطابق بورڈی کشتی پر سمندر کی سیر کررہے تھے کہ اس دوران انہیں سمندری سانپ دکھا اور وہ تیرتا ہوا ان کے پاس آگیا، خوش قسمتی سے سانپ نے انہیں نہیں ڈسا۔ یوٹیوبر نے خوفناک مناظر کیمرے کی آنکھ میں قید کرلیے۔ حیران کن طور پر وہ سانپ کو دیکھ کر بھی خائف نہ ہوئے بلکہ مستیاں کرتے نظر آئے۔
ان مناظر کو دیکھ کر معروف شخصیت کے مداح و چاہنے والے دنگ رہ گئے اور دلچسپ تبصرے بھی کیے۔
یوٹیوبر کا کہنا تھا کہ اس طرح کے سمندری سانپ عموماً انسانوں سے دور رہتے ہیں لیکن مذکورہ سانپ شاید اپنی جوڑی کی تلاش میں کافی دباؤ کا شکار معلوم ہورہا تھا۔
ویڈیو میں دیکھا جاسکتا ہے کہ کس طرح سانپ تیرتا ہوا ان کی کشتی کے پاس آیا یہاں تک کہ اس نے بوٹ پر چڑھنے کی بھی کوشش کی لیکن چند لمحوں کے لیے اپنا سر رکھنے کے بعد دوبارہ لوٹ گیا۔
اس ویڈیو کو اب تک لاکھوں صارفین دیکھ چکے ہیں، واقعی یہ اپنی نوعیت کی منفرد ویڈیو ہے۔
View this post on Instagram
