کراچی میں آج بھی بارش کا امکان

کراچی: صوبہ سندھ کے دارالحکومت کراچی میں گزشتہ روز کی تیز بارش کے بعد آج بھی ہلکی بارش کا امکان ہے۔

تفصیلات کے مطابق محکمہ موسمیات کا کہنا ہے کہ شہر کراچی میں آج بھی ہلکی بارش کا امکان ہے۔ مطلع اس وقت جزوی ابر آلود ہے۔

شہر کا موجودہ درجہ حرارت 28 ڈگری سینٹی گریڈ ہے۔

محکمہ موسمیات کے مطابق مغربی شمال مغربی سمت سے ہوا کی رفتار 11 کلو میٹر فی گھنٹہ ریکارڈ کی گئی ہے، ہوا میں نمی کا تناسب 83 فیصد ہے۔

یاد رہے کہ گزشتہ روز کراچی میں شدید بارش ہوئی تھی، محکمہ موسمیات کا کہنا ہے کہ گزشتہ روز سب سے زیادہ بارش سعدی ٹاؤن میں 81 ملی میٹر ہوئی۔

Comments