لاہور : قومی احتساب بیورو ( نیب ) نے مسلم لیگ ن کے رہنما احسن اقبال کے الزامات کو مسترد کردیئے اور من گھڑت الزامات زیرسماعت مقدمات پراثراندازہونے کی کو شش قرار دے دی۔
تفصیلات کے مطابق قومی احتساب بیورو ( نیب ) نے مسلم لیگ ن کے رہنما احسن اقبال کے الزامات کو مسترد کرتے ہوئے کہا احسن اقبال پر ٹھوس شواہد کی بنیاد پر ریفرنس دائر کیا گیا، من گھڑت الزامات زیرسماعت مقدمات پراثراندازہونےکی کو شش ہے۔
ترجمان نیب کا کہنا تھا کہ نیب نےان الزامات کاجائزہ لینے کا فیصلہ کیاہے، اس سلسلے میں قانون اپنا راستہ خود بنائے گا، نیب کا کسی سیاسی جماعت، گروہ اور فرد سے تعلق نہیں۔
یادر رہے مسلم لیگ ن کے رہنما احسن اقبال نے نیب کو تنقید کا نشانہ بناتے ہوئے کہا کہ نیب نےچلتےہوئےمنصوبےتباہ کردیےہیں اور پاکستان کےترقیاتی ڈھانچےکوتباہ کردیا ہے، 30افسران کونیب نے نیب گردی کیلئےہراساں کیاگیا، افسران نےبھی کانوں کوہاتھ لگالیاکہ آئندہ کسی فائل پردستخط نہیں کریں گے۔
کوئی افسرحکومت پاکستان کاکام نہیں کرےگاکیونکہ نیب انکوائری آجاتی ہے، یہ جھوٹےکیسزصرف انتقامی آگ کوبجھانے کیلئےکیےجارہےہیں، اپنی نوکری پکی کرنے کے لئے جھوٹے کیسز بنا دیتے ہیں، چیئرمین نیب کی مدت ختم ہونےمیں ایک ماہ رہ گیا، سناہےچیئرمین نیب کوتوسیع دینےکیلئےآرڈیننس لایاجارہاہے، ہم کسی ایک آرڈیننس کوآنےنہیں دیں گے۔
