کراچی: پاکستانی ڈرامہ انڈسٹری کی معروف اداکار عمران اشرف نے انسٹاگرام پر معنی خیز پوسٹ شیئر کردی۔
شوبز انڈسٹری کے نامور اداکار عمران اشرف نے سوشل میڈیا پلیٹ فارم انسٹاگرام پر اپنی تصویر شیئر کی جس میں وہ ساحل کے کنارے کھڑے قدرت کے حسین مناظر سے لطف اندوز ہورہے ہیں۔
اداکار نے پوسٹ کے کیپشن میں لکھا کہ ’میں اللہ تعالیٰ سے سودے بازی نہیں کرتا، مجھے اُس سے صلہ نہیں بلکہ اُس کی خوشنودی چاہیے۔‘
عمران اشرف نے لکھا کہ ’اللہ تعالیٰ نے مجھے جو دیا ہے اگر میں ساری زندگی بھی اُس کا شکر ادا کروں تو کم ہے۔‘
اداکار کی معنی خیز پوسٹ کو صارفین کی جانب سے خوب سراہا جارہا ہے اور اب تک لاکھوں صارفین ان کی پوسٹ کو لائیک کرچکے ہیں۔
واضح رہے کہ اس سے قبل عمران اشرف کی جانب سے سوشل میڈیا اکاؤنٹ انسٹا گرام پر اپنا لکھا ہوا ایک قول شیئر کیا گیا تھا جسے پڑھ کر اُن کے مداح سمیت شوبز انڈسٹری بھی اُن کے لکھنے کی صلاحیتوں کی تعریف کی تھی۔
عمران اشرف نے اپنی انسٹا پوسٹ میں لکھا تھا کہ “ایک نیکی کم سے کم 70 بن کر واپس آتی ہے، احسان وہیں کا وہیں رہتا ہے، پیروں کی مٹی نہیں چھوڑتا، وزنی ہوتا ہے نا، نیکی کرنی چاہیے، احسان نہیں۔”
