قومی ٹیم کے آل راؤنڈر شعیب ملک کی اہلیہ اور بھارتی ٹینس اسٹار ثانیہ مرزا کی بیٹے اذہان مرزا ملک کے ساتھ دلچسپ ویڈیو سوشل میڈیا پر وائرل ہوگئی۔
قومی کرکٹر شعیب ملک کی اہلیہ ثانیہ مرزا نے فوٹو اور ویڈیو شیئرنگ ایپ انسٹا گرام پر بیٹے کے ہمراہ ویڈیو شیئر کی جسے مداحوں کی جانب سے خوب سراہا جارہا ہے۔
ویڈیو میں ثانیہ مرزا بیٹے اذہان سے جانوروں کے نام پوچھ رہی ہیں، ثانیہ نے اذہان سے گلہری کے بارے میں پوچھا جس کا جواب بندر ملا تو دونوں نے کہا کہ نہیں یہ بندر نہیں ہے۔
مداحوں کی جانب سے ویڈیو کو پسند کیا جارہا ہے اور اذہان مرزا ملک کو دعائیں بھی دی جارہی ہیں۔
اس سے قبل بھی ثانیہ مرزا نے بیٹے کے ہمراہ ویڈیوز شیئر کی تھیں جسے مداحوں کی جانب سے بھرپور پذیرائی ملی تھی۔
یاد رہے کہ شعیب ملک اور ثانیہ مرزا 2010 میں رشتہ ازدواج میں منسلک ہوئے، 30 اکتوبر 2018 کو ان کے گھر بیٹے کی پیدائش ہوئی تھی جس کا نام انہوں نے اذہان مرزا ملک رکھا تھا۔
