بھارت میں حکمران جماعت بھارتیہ جنتا پارٹی (بی جے پی) کے رہنما آتمارام تومر کو گھر میں قتل کر دیا گیا۔
بھارتی میڈیا کے مطابق ریاست اترپردیش کے باغپت میں بی جے پی رہنما آتمارام گھر میں مردہ حالت میں پائے گئے اور امکان یہی ظاہر ظاہر کیا جارہا ہے کہ گلا دبا کر ان کی جان لی گئی۔
واقعے سے متعلق ڈرائیور وجے کا کہنا ہے کہ صبح کے وقت جب وہ آتمارام کی رہائش گاہ پہنچے تو دروازے بند تھے کافی دیر تک دروازہ نہ کھولا گیا تو انہوں نے اہل محلہ کو اطلاع دی۔
دروازہ توڑ کر اندر داخل ہوئے تو آتمارام مردہ پائے گئے ان کے چہرے پر تولیہ موجود تھا اور غالب امکان یہی ہے اسی تولیہ سے گلا گھونٹا گیا۔
واردات سے متعلق پولیس اور مقتول کے اہل خانہ کو اطلاع دی گئی، پولیس نے لاش کو اسپتال منتقل کیا اور پوسٹ مارٹم کے بعد لاش اہل خانہ کے حوالے کر دی۔
آتمارام نے 1993 میں چھپرولی اسمبلی سیٹ سے بی جے پی کے ٹکٹ پر انتخاب لڑا تھا اور 1997 سے وہ بی جے پی سے درجہ حاصل وزیر بھی رہ چکے تھے۔
