سڈنی: آسٹریلیا کے علاقے ارورا میں رات کے وقت آسمان گلابی ہوا اور جگمگاتے ستارے خوبصورت نظر آنے لگے۔
صباح نیوز کے مطابق آسٹریلیا کے سمندری علاقے میں گزشتہ شب آخری پہر آسمان گلابی ہوا، جس پر ستارے سونے کی طرح چمکتے ہوئے نظر آئے۔
VIDEO — Aurora australis, aka southern lights, shimmers pink and gold over Australia’s Tasmania in dazzling display pic.twitter.com/7uSWx184ww
— DAILY SABAH (@DailySabah) September 10, 2021
یہ خوبصورت نظارہ تسمانیہ میں دیکھا گیا، جس کو دیکھنے والے مسحور ہوگئے۔ اس منظر کو ایک فوٹو گرافر نے اپنے کیمرے میں محفوظ کیا اور پھر ویڈیو جاری کی۔
انٹرنیٹ صارفین نے اس ویڈیو کو مختلف پلیٹ فارمز پر بھی دیکھا، جن میں سے کچھ نے ایسا منظر پھیلنے بھی دیکھنے کا دعویٰ کیا۔
آسمان کا رنگ تبدیل کیوں ہوتا ہے؟
ماہرین کے مطابق اس عمل کو سائنسی زبان میں ‘نادرن لائٹس‘ یا شمالی قطب کی روشنی کہا جاتا ہے جبکہ فلکیات کی زبان میں اسے ‘اورورا بوریلیس’ بھی کہا جاتا ہے۔
یہ ایک قدرتی عمل ہے جس میں شمسی ہوا کے ذرات زمین کے ماحول میں داخل ہوتے ہیں، عام طور یہ ایسے نظارے بلند، کھلے مقامات والے علاقوں میں دیکھے جاتے ہیں۔
