راولپنڈی: قومی کرکٹ ٹیم کے سابق کوچز مصباح الحق اور وقار یونس سے متعلق وکٹ کیپر بیٹسمین محمد رضوان نے خاموشی توڑ دی۔
تفصیلات کے مطابق قومی ٹیم کے وکٹ کیپر بیٹسمین محمد رضوان نے سابق کوچ مصباح الحق اور وقار یونس کو خراج تحسین پیش کیا۔
محمد رضوان نے کہا کہ آپ دونوں اپنی زندگیوں کے ایک نئے سفر کا آغاز کرنے جارہے ہیں تو اس سفر کے لیے مصباح اور وقار بھائی آپ دونوں کے لیے بہت سی دعائیں ہیں۔
وکٹ کیپر بیٹسمین نے کہا کہ آپ دونوں کو آپ کے خلوص، تعاون، رہنمائی اور محبت کے لیے ہمیشہ یاد رکھا جائے گا۔
محمد رضوان نے قومی ٹیم کے لیے خدمات انجام دینے پر وقار اور مصباح کا شکریہ بھی ادا کیا۔
As you move on to the next chapter of your lives, lots of prayers for @captainmisbahpk & @waqyounis99 bhai. Thank you for serving Pakistan cricket team. You two will be remembered for your sincerity, support, guidance and hardwork. #Respect pic.twitter.com/NK5RPDdlsY
— Mohammad Rizwan (@iMRizwanPak) September 14, 2021
واضح رہے کہ قومی ٹیم کے ہیڈ کوچ مصباح الحق اور بولنگ کوچ وقار یونس نے گزشتہ دنوں اچانک استعفیٰ دے دیا تھا، جس کے بعد سابق کرکٹر ثقلین مشتاق اور عبدالرزاق کو نیوزی لینڈ سیریز میں بحثیت عبوری کوچز مقرر کیا گیا۔
گزشتہ روز چیئرمین پی سی بی رمیز راجہ نے ٹی ٹوینٹی ورلڈ کپ کے لیے سابق آسٹریلوی اوپنر میتھیو ہیڈن کو بیٹنگ کوچ اور جنوبی افریقہ کے سابق بولر ورنن فلیندر کو بولنگ کوچ مقرر کیا ہے۔
