سوشل میڈیا پر حادثے کی مختلف ویڈیو سامنے آتی رہتی ہیں جنہیں دیکھ کر صارفین حیران رہ جاتے ہیں۔
بھارتی ریاست گجرات میں موٹر سائیکل سوار کی ایک ویڈیو سامنے آئی ہے جس میں وہ خوفناک حادثے سے بال بال بچ گیا، واقعے کی ویڈیو سوشل میڈیا پر وائرل ہوگئی۔
حادثہ گجرات کے ڈسٹرکٹ ہیڈ کوارٹر شہر داہود میں پیش آیا، موٹر سائیکل سوار بس کی زد میں آکر معجزانہ طور پر بچ گیا۔
ویڈیو میں دیکھا جاسکتا ہے کہ موٹر سائیکل سوار نے جلد بازی کرتے ہوئے بس سے آگے نکلنے کی کوشش کی اس دوران وہ بس کی ٹکر سے گر کر اس کے نیچے آگیا۔
ڈرائیور نے فوری بریک لگا کر بس روک لی جس کے باعث موٹر سائیکل سوار کی زندگی بچ گئی۔
#Watch: A youth in #Gujarat's #Dahod had a miraculous escape after he was rashly run over by a bus he tried to overtake. He came under the bus, but moments later he wriggled out and even went to check his motorcycle. pic.twitter.com/tfMfnJ7o6c
— TOI Ahmedabad (@TOIAhmedabad) September 14, 2021
ویڈیو میں دیکھا جاسکتا ہے کہ موٹر سائیکل سوار بس کے نیچے سے نکل رہا ہے اور حادثہ دیکھ کر رکنے والے دوسرے افراد اس کی خیریت دریافت کررہے ہیں۔
موٹر سائیکل سوار کے ساتھ پیش آئے حادثے پر سوشل میڈیا صارفین نے بھی مختلف تبصرے کیے۔
ایک صارف نے موٹر سائیکل سوار کو قصور وار قرار دیتے ہوئے کہا کہ ’بس سے آگے نکلنے کی کوشش میں اس کی جان بھی جاسکتی تھی۔‘
ایک دوسرے صارف نے لکھا کہ ’بس ڈرائیور نے فوری بریک لگا کر اس کی زندگی بچالی۔‘
