کراچی: صوبہ سندھ کے دارالحکومت کراچی میں آج بھی گرمی کا زور برقرار رہے گا، 16 سے 18 ستمبر کے دوران شہر میں بارش کا امکان موجود ہے۔
تفصیلات کے مطابق محکمہ موسمیات کا کہنا ہے کہ شہر میں آج موسم گرم اور مرطوب رہے گا، 2 روز تک سمندری ہوائیں معطل رہیں گی۔
محکمہ موسمیات کا کہنا ہے کہ 2 روز تک زیادہ سے زیادہ درجہ حرارت 41 ڈگری تک جانے کا امکان ہے۔
- Advertisement -
اس وقت ہوا کا کم دباؤ راجستھان میں موجود ہے۔ ایک اور ہوا کا کم دباؤ خلیج بنگال میں بن چکا ہے، خلیج بنگال میں بننے والے ہوا کے کم دباؤ کی شدت زیادہ ہے۔
محکمہ موسمیات کا مزید کہنا ہے کہ شہر میں 16 سے 18 ستمبر کے دوران بارش کا امکان بھی موجود ہے۔
