لاہور: صوبہ پنجاب کے دارالحکومت لاہور میں 47 مرتبہ ٹریفک قوانین کی خلاف ورزی کرنے والی گاڑی ضبط کرلی گئی، ڈرائیور کو 39 ہزار روپے جرمانہ عائد کردیا گیا۔
تفصیلات کے مطابق لاہور میں 47 مرتبہ ٹریفک قوانین کی خلاف ورزی کرنے والی گاڑی پکڑی گئی، سٹی ٹریفک پولیس لاہور کا کہنا ہے کہ کوسٹر کے ڈرائیور نے 6 مرتبہ ٹریفک سگنل کی خلاف ورزی کی۔
سی ٹی او لاہور کے مطابق مذکورہ گاڑی کے ڈرائیور نے 47 مرتبہ حد رفتار سے تجاوز کرنے کی خلاف ورزی کی۔
- Advertisement -
پولیس کے مطابق ڈرائیور کو 39 ہزار 500 روپے جرمانہ عائد کیا گیا ہے، کوسٹر کو تھانہ فیصل ٹاؤن میں بند کروا دیا گیا ہے۔
اس سے قبل لاہور میں ہی 90 بار ٹریفک قوانین کی خلاف ورزی کرنے والی گاڑی کو ضبط کرلیا گیا تھا۔ ٹریفک پولیس حکام کے مطابق گاڑی کے مالک پر 44 ہزار سے زائد جرمانہ عائد کیا گیا تھا۔
