معروف گلوکار و اداکار علی ظفر نے اپنے نئے آنے والے پشتو گانے سے متعلق مداحوں سے اہم سوال کیا ہے۔
علی ظفر نے سماجی رابطے کی ویب سائٹ ٹوئٹر پر اپنے نئے آنے والے پشتو گانے کی ایک جھلک شیئر کی جس میں گلوکار کے ساتھ ایک خاتون گلوکارہ کو بھی دیکھا جاسکتا ہے۔
ٹوئٹر پر شیئر تصویر میں علی ظفر کا چہرہ واضح طور پر نظر آرہا ہے جبکہ خاتون گلوکارہ کو چہرے کو ٹولز کے زریعے دھندلا کردیا گیا ہے۔
Whoever guesses the name of the song and the singer joining me for the Pashto song first, gets a special mention. 🥰 #Pashto #Pashtun pic.twitter.com/z7xVKjlKGE
— Ali Zafar (@AliZafarsays) September 19, 2021
معروف گلوکار نے اپنے ٹوئٹ میں مداحوں سے مخاطب ہوتے ہوئے لکھا کہ ’جو بھی مجھے میرے نئے گانے کا نام اور میرے ساتھ گانے میں خاتون گلوکارہ کا نام بتائے گا؟ میں اُس کا نام خصوصی طور پر اپنے ٹوئٹ میں مینشن کروں گا۔‘
گلوکار کی جانب سے سوال پوچھنے پر صارفین کی بڑی تعداد کا کہنا ہے کہ علی ظفر کے ساتھ اس گانے میں پشتو گلوکارہ ‘گُل پانڑہ’ جلوہ گر ہوں گی، تاہم ابھی تک علی ظفر کی جانب سے خاتون گلوکارہ اور گانے کا نام نہیں بتایا گیا ہے۔
