کراچی: بلین مارکیٹ میں سونے کی قیمت مستحکم رہنے کے باوجود پاکستان میں اس کے اثرات منفی نظر آئے۔
انٹرنیشنل مارکیٹ میں کاروباری ہفتے کے تیسرے یعنی بدھ کے روز ٹریڈنگ کے دوران سونے کی فی اونس قیمت مستحکم رہی اور 1742 ڈالر پر بند ہوئی۔
عالمی مارکیٹ میں قیمت مستحکم رہنے کے باوجود پاکستان میں سونے کی فی تولہ اور دس گرام قیمت میں مجموعی طور پر 557 روپے کا اضافہ ہوا۔
آل پاکستان جیولرز ایسوسی ایشن کے چیئرمین محمد ارشد کے مطابق آج بتاریخ 29 ستمبر بروز بدھ پاکستان میں سونے کی فی تولہ قیمت میں 300 روپے کا اضافہ ہوا، جس کے بعد قیمت 1 لاکھ 13 ہزار 700 روپے تک پہنچ گئی۔
اسی طرح دس گرام کی قیمت 257 روپے اضافے کے بعد 97 ہزار 479 روپے تک پہنچ گئی۔
آج بتاریخ 29 ستمبر 2021 کے ریٹ
فی تولہ قیمت: -/ 113,700روپے
دس گرام قیمت: -/ 97,479 روپے
معاشی ماہرین کے مطابق پاکستانی کرنسی کی قدر کم ہونے اور ڈالر کے ریٹ بڑھنے کی وجہ سے مقامی صرافہ بازاروں میں قیمتوں میں اضافہ ہوا ہے۔ کراچی ، حیدرآباد، سکھر، ملتان، لاہور، فیصل آباد، اسلام آباد، راولپنڈی، پشاور اور کوئٹہ کی صرافہ مارکیٹوں میں لین دین نئے ریٹ کے ساتھ ہوئی۔
