کراچی: گورنر پنجاب چوہدری محمد سرور نے کراچی میں گورنر سندھ عشرت العباد سے ملاقات کی، ملاقات کا پہلا دور ختم ہوگیا، دوسرا دور شام چھ بجے ہوگا۔
گورنرپنجاب چودھری محمد سرور کراچی پہنچے اور اپنے ہم منصب ڈاکٹر عشرت العباد سے ملاقات کی، ملاقات کے دوران ملکی حالات پر تبادلہ خیال کیا جبکہ آزادی اور انقلاب مارچ سے متعلق اہم امور بھی زیر غور آئے۔
دونوں گورنرز کی ملاقات کا دوسرا دور شام چھ بجے شروع ہوگا۔
- Advertisement -
گورنر پنجاب چودھری محمد سرور نے جماعت اسلامی کے جنرل سیکرٹری لیاقت بلوچ سے بھی ٹیلی فونک رابطہ کیا اور جماعت اسلامی کے کردار کو سراہتے ہوئے پی ٹی آئی اور حکومت کے درمیان ہونے والے مذاکرات کی تفصیلات سے آگاہ کیا۔
گورنر کا کہنا ہے کہ وزیراعظم کے استعفےکے علاوہ پانچ نکات پر اتفاق ہوچکا ہے۔
