اسلام آباد : ڈی جی ظاہر شاہ کو ڈپٹی چیئرمین نیب بنائے جانے کا امکان ہے، وزیراعظم کی منظوری بعد صدر مملکت ڈپٹی چیئرمین کی تعیناتی کی حتمی منظوری دیں گے۔
تفصیلات کے مطابق حکومت کی جانب سے ڈی جی ظاہر شاہ کو ڈپٹی چیئرمین نیب بنائے جانے کا امکان ہے ، ذرائع کا کہنا ہے کہ ظاہر شاہ کی بطور ڈپٹی چئیرمین سمری وزرات قانون کو بھجوا دی گئی۔
وزارت قانون کی جانب سے سمری وزیراعظم آفس بھجوائی جائے گی اور وزیراعظم کی منظوری بعد صدر مملکت ڈپٹی چیئرمین کی تعیناتی کی حتمی منظوری دیں گے۔
ظاہر شاہ بطور ڈی جی آپریشن نیب ہیڈ کوارٹر میں تعینات ہیں ، ڈپٹی چیئرمین کی سیٹ 4 اکتوبر کو حسین اصغر کے استعفیٰ کے باعث خالی ہوئی تھی۔
خیال رہے موجودہ چیئرمین نیب کی مدت ملازمت 8 اکتوبر کو ختم ہو رہی ہے، آرڈیننس کے اطلاق کے بعد چیئرمین نیب جسٹس (ر) جاوید اقبال نئے چیئرمین کی تقرری تک اپنا کام جاری رکھ سکیں گے۔
