واشنگٹن: وائٹ ہاؤس نے غیر ملکیوں کو خوش خبری سنائی ہے کہ مکمل ویکسینیٹڈ غیر ملکی 8 نومبر سے امریکا میں داخل ہو سکتے ہیں۔
تفصیلات کے مطابق وائٹ ہاؤس نے جمعے کو ایک بیان جاری کرتے ہوئے کہا ہے کہ وہ غیر ملکی وزیٹرز جنھوں نے کووِڈ نائنٹین کے خلاف مکمل ویکسینیشن کروالی ہے، وہ آٹھ نومبر سے امریکا سفر کے لیے اہل ہوں گے۔
وائٹ ہاؤس کے اسسٹنٹ پریس سیکریٹری کیوِن میونوز نے ٹوئٹر پر کہا کہ امریکا کی نئی سفری پالیسی، جس میں غیر ملکی شہریوں کو امریکا جانے کے لیے ویکسینیشن ضروری قرار دی گئی ہے، 8 نومبر سے شروع ہوگی۔
وائٹ ہاؤس کے مطابق یہ اعلان اور تاریخ بین الاقوامی ہوائی سفر اور زمینی سفر دونوں پر لاگو ہوتی ہے۔
The US’ new travel policy that requires vaccination for foreign national travelers to the United States will begin on Nov 8. This announcement and date applies to both international air travel and land travel. This policy is guided by public health, stringent, and consistent. https://t.co/uaDiVrjtqi
— Kevin Munoz (@KMunoz46) October 15, 2021
اس اقدام سے ان پابندیوں میں نرمی آئے گی جن کی وجہ سے بیرون ملک غصہ پیدا ہونا شروع ہوا تھا، اور اب ان پابندیوں کی جگہ اندرونی اور بین الاقوامی ہوائی مسافروں کے لیے یکساں شرائط رکھی جا رہی ہیں۔
اس خبر کو ٹریول انڈسٹری کے لیے خوش آئند قرار دیا جا رہا ہے، جس کے لیے وفاقی حکومت میں لابنگ کی جا رہی تھی کہ وہ چند ایسے ضابطے اب ختم کر دے جن کی وجہ سے بین الاقوامی سیاحت کے ساتھ ساتھ ایئر لائنز، ہوٹلوں اور مہمان نوازی گروپس کو نقصان پہنچ رہا تھا۔
