انٹرنیٹ پر پالتو کتے کی ایک ایسی ویڈیو وائرل ہوئی ہے، جسے دیکھ کر8 لاکھ سے زائد صارفین حیران رہ گئے۔
سماجی رابطے کی ویب سائٹ ٹویٹر پر بیک نامی صارف کی جانب سے شیئر کی جانے والی ویڈیو کو ’پکڑا گیا‘ کے عنوان سے شیئر کیا گیا ہے۔
اس ویڈیو میں ایک معصوم پالتو کتے کو کھانا چوری کرتے اور پکڑے جانے پر شرمندہ ہوتے ہوئے دیکھا جاسکتا ہے۔
انٹرنیٹ پر شیئر ہونے والی ویڈیو کو اب تک 8 لاکھ 81 ہزار سے زائد صارفین دیکھ چکے ہیں۔
ویڈیو میں دیکھا جاسکتا ہے کہ باروچی خانے کے سلب پردو برتنوں میں کھانا رکھا ہوا ہے، ان باکسز کو مالک نے پیچھے کر کے دیوار کے ساتھ لگا دیا تھا تاکہ کتا یہاں تک نہ پہنچ سکے۔
کتے نے ذہانت کا مظاہرہ کرتے ہوئے دو ٹانگوں پر کھڑے ہوکر ایک پیر سے سہارا لیا اور دوسرے کو آگے بڑھا کر کھانے کا برتن اپنے قریب کر کے اسے منہ سے پکڑ لیا۔
Caught ya 🤣🤣 pic.twitter.com/Z39TVM5yWN
— Rebecca (@beckx28) October 14, 2021
انٹرنیٹ پر وائرل ہونے والی ویڈیو پر اب تک صارفین نے مختلف انداز سے تبصرے کیے، کچھ کا یہ ماننا ہے کہ کتا بھوک کی شدت کی وجہ سے اس طرح کھانا حاصل کرنے کی کوشش کررہا ہے۔
مزید صارفین نے پکڑے جانے پر کتے کی معصومت کی تعریف بھی کی۔
