ممبئی: منشیات کیس میں شاہ رخ کے بیٹے آریان خان کی ضمانت منظور ہو گئی۔
تفصیلات کے مطابق منشیات کیس میں گرفتاری کے 3 ہفتے بعد بالی ووڈ بادشاہ کے بیٹے آریان خان کی ضمانت منظور کر لی گئی۔
اس کیس میں آریان خان کے 2 دوستوں ارباز مرچنٹ اور مُنمن دمیچا کی درخواست ضمانت بھی منظور ہو گئی ہے۔ عدالت اپنا تفصیلی حکم کل سنائے گی، اور تینوں ملزمان کل یا ہفتے تک جیل سے رہا ہوں گے۔
23 سالہ آریان خان کی درخواست ضمانت خصوصی عدالت کی جانب سے 20 اکتوبر کو مسترد کی گئی تھی، جس کے بعد ان کے وکلا نے ممبئی ہائی کورٹ میں ضمانت کی درخواست دائر کر دی تھی۔
یاد رہے کہ شاہ رخ کے بیٹے کو 2 اکتوبر کو انسداد منشیات فورس (این سی بی) نے کروز شپ سے منشات استعمال کرنے کے کیس میں گرفتار کیا تھا، اور ان کے قبضے سے بھاری مقدار میں متعدد اقسام کی منشیات برآمد کی تھی۔
I’m very happy that Aryan Khan has gotten bail but also very upset with a system that kept a young man behind bars for more than 25 days for something he never did.
That has to change!!!
God bless you and be strong Aryan Khan.— Sanjay Gupta (@_SanjayGupta) October 28, 2021
بھارتی میڈیا کے مطابق عدالت میں پیش کی گئیں دستاویزات سے پتا چلتا ہے کہ آریان خان، منشیات سپلائرز اور منشیات فروشوں کے درمیان مستحکم تعلقات تھے۔
