پشاور:سی ٹی ڈی بنوں ریجن، پولیس اورحساس اداروں نے انٹیلی جنس بیسڈ آپریشن کے دوران 2 دہشت گردوں کو ہلاک کردیا تاہم دیگر دہشت گرد فرار ہوگئے۔
تفصیلات کے مطابق سی ٹی ڈی بنوں ریجن، پولیس اورحساس اداروں نے میرعلی کے گاؤں بوب علی سپین وام کے حدود میں انٹیلی جنس بیسڈ آپریشن کیا۔
آپریشن کے دوران دہشت گردوں نے چھاپہ مارٹیموں پراچانک فائرنگ کردی ، جوابی فائرنگ میں 2 دہشت گرد ہلاک ہوگئے۔
سی ٹی ڈی کا کہنا تھا کہ دہشت گردوں سے ایس ایم جی، ہینڈگرنیڈ، میگزین اورکارتوس برآمد ہوئے تاہم دیگر دہشت گرد رات کے تاریکی کا فائدہ اٹھاتے ہوئے فرار ہوگئے۔
حکام کے مطابق فرار دہشت گردوں کی گرفتاری کیلئے مشترکہ سرچ آپریشن جاری ہے۔
سی ٹی ڈی نے بتایا کہ دہشت گرد ٹارگٹ کلنگ، بھتہ خوری ،بم دھماکوں،فورسزپرحملوں میں ملوث تھے ، دہشت گردوں کاتعلق کالعدم ٹی ٹی پی کے لوکل کمانڈر سے ہے۔
