برازیلا: برازیل کی ٹریفک پولیس ان دنوں ایک طوطے سے بہت زیادہ پریشان ہے، جس کے باعث قوانین پر عمل درآمد مشکل ہورہا ہے۔
بین الاقوامی میڈیا رپورٹ کے مطابق برازیل کی جنوبی ریاست پاران کے شہر کوریتیبا کی مصروف اور اہم شاہراہ پر نصب سی سی ٹی وی کیمرے پر ان دنوں ایک ہرا طوطا آکر بیٹھ رہا ہے۔
یہ طوطا ایسی دلچسپ حرکتیں کرتا ہے، جسے دیکھ کر صارفین ہنسنے پر مجبور ہیں جبکہ ٹریفک پولیس بہت زیادہ پریشان ہے۔
یہ طوطا کیمرے کے ساتھ آنکھ مچولی کھیلتا ہے اور بار بار لینس کے سامنے آکر اپنی شکل دکھا کر غائب ہوجاتا ہے۔
پولیس حکام کا کہنا ہے کہ طوطے کی وجہ سے وہ ٹریفک قوانین کی خلاف ورزی کرنے والوں کے خلاف کارروائی سے گریزاں ہیں۔
🦜🦜 Sextou! Na manhã de hoje (29), recebemos uma visita para lá de especial em uma das câmeras do nosso circuito de CFTV, no km 115 da BR-116/PR, em Curitiba. A espécie foi identificada como um papagaio – nome científico amazona aestiva. Só de olho 👀 pic.twitter.com/UwKHeaT8E1
— Arteris Planalto Sul (@Arteris_APS) October 29, 2021
انٹرنیٹ پر جب اس طوطے کی دلچسپ ویڈیو وائرل ہوئی تو صارفین اسے دیکھ کر مسکرائے بغیر نہ رہ سکے، ویڈیو پر صارفین نے مختلف تبصرے بھی کیے جبکہ کچھ نے پولیس کو مشورہ دیا کہ وہ کیمرے کے اوپر بیٹھنے والی جگہ ختم کردیں پھر طوطا نہیں بیٹھ سکے گا۔
