سعودی عرب میں کورونا وبا پر کنٹرول برقرار

ریاض: سعودی عرب میں عالمی وبا پر کنٹرول برقرار ہے، گزشتہ چوبیس گھنٹوں کے دوران بھی صرف 45 نئے کورونا کیسز رپورٹ ہوئے ہیں۔

عرب میڈیا کی رپورٹ کے مطابق سعودی محکمہ صحت کا کہنا ہے کہ مملکت میں کورونا کے پینتالیس نئے کیسز رپورٹ ہوئے جبکہ ایک کورونا مریض کی موت ہوئی۔

محکمہ صحت نے بتایا کہ نئے کیسز سامنے آنے کے بعد وبا سے متاثر ہونے والوں کی مجموعی تعداد 5 لاکھ 48 ہزار 805 ہوگئی، اب تک 8800 مریض جاں بحق ہوچکے ہیں، تشویش ناک مریضوں کی خصوصی دیکھ بھال کی جارہی ہے۔

سعودی عرب میں گزشتہ 24 گھنٹوں کے دوران 32 مریضوں نے وبا کو شکست دی جس کے بعد وبا سے صحت یاب ہونے والوں کی مجموعی تعداد 5 لاکھ 37 ہزار 722 ہوگئی۔

مملکت میں کورونا کے فعال کیسز میں سے 51 کی حالت تشویش ناک ریکارڈ کی گئی۔

Comments