اے آر وائی ڈیجیٹل کے پروگرام جیتو پاکستان کے میزبان اور نامور اداکار فہد مصطفیٰ نے وہاب ریاض کی ضرورت بروقت پوری کردی۔
قومی کرکٹ ٹیم کے فاسٹ بولر وہاب ریاض نے سماجی رابطے کی ویب سائٹ پر فہد مصطفیٰ کے ساتھ ہونے والی واٹس ایپ گفتگو اور اُن کی طرف سے بھیجی جانے والی اشیا کی تصاویر شیئر کیں۔
واٹس ایپ گفتگو میں فہد مصطفیٰ نے وہاب ریاض کو کھانا کھانے کا بولا اور کہا کہ اگر گدے چاہیں تو وہ بتا دینا۔
فہد مصطفیٰ کے اس میسج پر وہاب ریاض نے انہیں جواب دیتے ہوئے لکھا کہ ’باس اسٹوڈیو میں ایک گدا، دو پلاؤ اور ایک کمبل چاہیے‘۔
اس میسج پر فہد مصطفیٰ نے وہاب ریاض سے پوچھا کہ ’تم سنجیدہ ہو، (سامان) بھیج دوں کیا؟‘۔ فاسٹ بولر نے جواب میں لکھا کہ ’ہوجائے تو بہترین ہوجائے گا‘۔
Thank you @fahadmustafa26 bhai for the mattress, pillow and the blanket. You’re love!!❤️ pic.twitter.com/65gkHjw20f
— Wahab Riaz (@WahabViki) November 4, 2021
اس پر اداکار نے لکھا کہ ’ٹھیک ہے بس بھیج رہا ہوں‘۔ تھوڑی دیر بعد وہاب ریاض نے آئیکون بنا کر اُن کو میسج دوبارہ بھیجا، جس پر فہد مصطفیٰ نے پوچھا کہ سامان آگیا؟۔
یاد رہے کہ وہاب ریاض اے اسپورٹس کی ٹی ٹوینٹی ورلڈکپ کے حوالے سے جاری نشریات کا حصہ ہیں۔ اُن کے علاوہ مشہور کرکٹر وسیم اکرم، وقار یونس اور مصباح بھی پینل کا حصہ ہیں، جو ہر میچ کے بعد اپنی ماہرانہ آرا پیش کرتے ہیں۔
