گوجرانوالہ:دہشت گردی کی عدالت نے یوم شہدا کے موقع پر سادکھوکی میں پولیس اہلکاروں کو زخمی کرنے والے عوامی تحریک کے 71کارکنوں کو اشتہاری قرار دے دیا۔
دہشت گردی کی خصوصی عدالت کے جج امتیاز نے یوم شہدا کے موقع پر سادھوکی کے مقام پر ڈی ایس پی سمیت پولیس اہلکاروں پر تشدد کرنے والے عوامی تحریک کے 71اہلکاروں کو عدالت نے اشتہاری قرار دے دیا ہے۔
فاضل جج نے 23اگست کو طاہرالقادری سمیت 72کارکنوں کو عدالت پیش کرنے کا حکم دیا تھا، جس میں ڈاکٹر طاہرالقادری کو 5ستمبر کو عدالت پیش کرنے کا حکم دیا ہے جبکہ 71کارکنوں کو اشتہاری قرار دے دیا گیا ہے۔
دوسری طرف عوامی تحریک کے 148اور پی ٹی آئی کے 58کارکنوں ابھی تک جیل میں نظر بند ہیں، سیاسی اہلکاروں کے عزیزواقارب کا کہنا ہے کہ ہمیں اپنے رشتہ داروں سے ملنے کی بلکل اجازت نہیں دی جا رہی۔
انھوں نے الزام عاید کیا کہ سزائے موت کے قیدیوں سے ملنا آسان ہے جبکہ سیاسی اہلکاروں سے ملنا بہت مشکل ہے۔
