اسلام آباد : نیشنل کمانڈ اینڈ آپریشن سینٹر نے 12سے18سال کے بچوں کی ویکسینیشن پر اظہار اطمینان کرتے ہوئے کورونا ویکسینیشن مہم میں مزید تیزی لانے پر زور دیا۔
تفصیلات کے مطابق وفاقی وزیراسد عمر، میجر جنرل ظفراقبال کی زیرصدارت این سی او سی کا اجلاس ہوا ، جس میں کورونا ماس ویکسینیشن مہم پر بریفنگ دی گئی۔
این سی او سی کا 12سے18سال کے بچوں کی ویکسینیشن پر اظہار اطمینان کرتے ہوئے کوروناویکسینیشن مہم میں مزیدتیزی لانے پر زور دیا اور کہا ویکسینیشن کیلئےاسکول انتظامیہ اور والدین تک رسائی یقینی بنائی جائے اور کوروناویکسین کی دوسری ڈوز یقینی بنانے کیلئے اقدامات کئے جائیں۔
این سی اوسی نے کوروناکیسز میں کمی کیلئے اقدامات اور ویکسینیشن کے مربوط نظام کیلئے اسٹیک ہولڈرز کی تعریف کی۔
خیال رہے پاکستان میں کورونا کیسز کی شرح ایک فیصد پر آگئی ہے ، چوبیس گھنٹےمیں کوروناسےمزید نوافرادانتقال کرگئے ، جس کے بعد مجموعی اموات کی تعداد 28 ہزار547 ہوگئی۔
این سی اوسی کی رپورٹ کے مطابق گزشتہ روزکوروناکےاکتالیس ہزارسات سونوٹیسٹ کیے گئے،جن میں 449 نئے کیسز سامنے آئے۔
