یو اے ای : فوڈ سیفٹی پروگرام متحدہ عرب امارات کی خوراک کی تنوع اور تحفظ کی حکمت عملی میں بنیادی اہمیت کا حامل ہے، ابوظبی میں خوراک کی حفاظت اور معیار سے متعلق انڈیکس کے حتمی امتحانات کا آغاز کردیا گیا ہے۔
اس حوالے سے ابوظبی ایگریکلچراینڈ فوڈ سیفٹی اتھارٹی (اے ڈی اے ایف ایس اے) کے تحت انڈیکس کا اہتمام اقوام متحدہ کے فوڈ اینڈ ایگری کلچرآرگنازیشن کے تعاون سے مختلف مقامی اور وفاقی حکومتی اداروں کی شراکت سے منعقد کیا جارہا ہے۔
مذکورہ انڈیکس کا مقصد کوالٹی کنٹرول سسٹم اور قانون سازی کو بہتر بنانا ہے جبکہ انسانی صحت کے تحفظ کو یقینی بنانے کیلئے یو اے ای کے فوڈ سیفٹی نظام کو بھی مزید بہتر کیا جارہا ہے۔
اس سلسلے میں ابوظبی ایگریکلچراینڈ فوڈ سیفٹی اتھارٹی (اے ڈی اے ایف ایس اے) کے ڈائریکٹر جنرل سعید البحری الامیری نے کہا ہے کہ فوڈ سیفٹی انڈیکس کی شرح کا جائزہ لینے کا منصوبہ اس نظام کی مضبوطی کویقینی بنانا ہے جو اعلیٰ قیادت کی ہدایات کے عین مطابق ہے۔
العامری نے کہا کہ ابوظبی ایگریکلچراینڈ فوڈ سیفٹی اتھارٹی (اے ڈی اے ایف ایس اے) فوڈ سیفٹی کی اعلیٰ ترین شرح کو حاصل کرنے اور چلینجز کا مقابلہ کرنے کیلئے بہترین طرز عمل اور زرعی شعبے کو ترقی دینے کےحکومتی وژن کے حصول کیلئے مصروف عمل ہے۔
