انٹرنیٹ پر آئے روز حادثات کی دل دہلا دینے والی ویڈیوز وائرل ہوتی ہیں، اب کی بار ایک ایسی فوٹیج سامنے آئی، جسے دیکھنے والے ہکا بکا رہ گئے۔
برطانوی نشریاتی ادارے کی جانب سے سماجی رابطے کی ویب سائٹ ٹویٹر پر شیئر کی جانے والی ویڈیو میں ایک بیل کو تباہی مچاتے دیکھا جاسکتا ہے۔
اطلاعات کے مطابق مذبح خانے سے ایک بیل عین اُس وقت فرار ہوا، جب اُسے ذبیحہ کے لیے لے جایا جارہا تھا۔غصے سے بپھرے بیل نے خاتون سمیت 7 شہریوں کو زخمی کیا جبکہ ایک ڈیپارٹمنٹل اسٹور میں داخل ہوکر تباہی مچائی۔
غصے سے بپھرے بیل نے پہلے سگنل پر موٹرسائیکل سوار خاتون کو ٹکر مار کر زخمی کیا، پھر دوڑتے ہوئے چار شہریوں کو زخمی کیا اور وہ اسٹور میں داخل ہوگیا، جہاں ملازمین نے اُسے بھگانے کی کوشش کی تو وہ چڑھ دوڑا۔
Moment escaped bull knocks down woman off her scooter before injuring seven pic.twitter.com/xMpCveg1XI
— The Sun (@TheSun) November 11, 2021
بعد ازاں متعلقہ حکام نے بیل کو پکڑ کر مذبح خانے منتقل کیا جبکہ انتظامیہ نے زخمی ہونے والے شہریوں سے معذرت بھی کی۔
