کراچی: پاکستان شوبز انڈسٹری کی معروف اداکارہ اشنا شاہ بھی عام عوام کی طرح ملک میں بنیادی سہولیات کی عدم موجودگی کا شکوہ کرتی نظر آرہی ہیں۔
تفصیلات کے مطابق اشنا شاہ نے سماجی رابطے کی سائٹ ٹوئٹر پر لکھا کہ ’گرمیوں میں بجلی نہیں، سردیوں میں گیس نہیں اور اگر آپ کراچی میں رہتے ہیں تو اسٹمک فلو کے دوران پانی نہیں‘۔
اداکارہ کی اس ٹوئٹ پر کچھ صارفین ان مسائل پر آواز اٹھانے پر ان کی تعریف کی۔ ایک صارف نے مزاحیہ انداز میں لکھا ‘سب سے پہلے آپ نے گھبرانا نہیں ہے’۔
ایک اور صارف کا کہنا تھا کہ ’ سکون صرف قبر میں ہے‘۔
GarmiyoN mein Bijli Nahee SardiyoN mein Gas Nahee Aur agar aap Karachi mein rehtey heiN toh stomach flu ke doraan Paani nahee 😓#southkarachiproblems
— Ushna Shah (@ushnashah) November 12, 2021
خیال رہے کہ شہرقائد سمیت ملک کے مختلف شہروں میں لوڈ شیڈنگ کا مسئلہ رہا ہے، کراچی کے عوام تو پانی کو بھی ترستے ہیں جبکہ مستقبل میں گیس بحران کا بھی خدشہ ظاہر کیا گیا ہے۔
حکومت نے فیصلہ کیا ہے کہ گھریلو صارفین کو مخصوص اوقات میں گیس فراہم کی جائے گی۔
