تہران : جنوبی ایران میں 6.3 شدت کا زلزلہ آیا ہے جس کے نتیجے میں متعدد رہائشی عمارتیں زمین بوس ہوگئی۔
غیر ملکی میڈیا کے مطابق ایران کے جنوبی شہروں میں بندر عباس کے قریب آنے والے زلزلے کے باعث میں درجنوں افراد ملبے تلے دب گئے ہیں جس کے باعث کثیر تعداد میں ہلاکتوں کا خدشہ ہے۔
یورپی جیولوجیکل سروے کی رپورٹ کے مطابق زلزلے کا مرکز دس کلومیٹر گہرائی میں بندر عباس کے قریب تھا۔
رپورٹ میں بتایا گیا ہے کہ ایران میں آنے والا زلزلہ اتنا شدید تھا جس کے آفٹر شاکس سعودی عرب اور دبئی میں بھی محسوس کیے گئے۔
اماراتی ریاست دبئی میں محسوس ہونے والے آفٹر شاکس کی شدت چھ اعشاریہ دو ریکارڈ کی گئی ہے، دبئی میں محسوس ہونے والے آفٹر شاکس کے نتیجے میں ہلتی ہوئی عمارتوں کی ویڈیو ایک صحافی نے ٹوئٹر پر بھی شیئر کی ہے۔
6.2-magnitude earthquake rocks Dubai ahead of T20 World Cup Final.
#NZvAUS pic.twitter.com/TtGxkgBVZn
— Malik Ali Raza (@MalikAliiRaza) November 14, 2021
خیال رہے کہ دبئی میں کچھ دیر بعد ٹی ٹوئنٹی ورلڈ کپ 2021 کا فائنل میچ آسٹریلیا اور نیوزی لینڈ کے درمیان کھیلا جائے گا۔
