بالی ووڈ انڈسٹری کی معروف اداکارہ پریتی زنٹا کے ہاں سروگیسی کے ذریعے جڑواں بچوں کی پیدائش ہوئی ہے۔
بھارتی اداکارہ پریتی زنٹا نے سماجی رابطے کی ویب سائٹ ٹویٹر پر شوہر کے ہمراہ ایک خوبصورت تصویر شیئر کی اور مداحوں کو جڑواں بچوں ’جے‘ اور ’جیا‘ کی آمد سے متعلق اطلاع دی۔
اداکارہ نے اپنی ٹویٹ میں لکھا کہ میں آج آپ سب کو ایک بہترین خبر سے متعلق بتانا چاہتی ہوں وہ یہ کہ میں اور جین گڈ انف یہ بتاتے ہوئے خاصی خوشی محسوس کررہے ہیں کہ ہم دونوں نے بے پناہ محبت کے ساتھ اپنی فیملی میں جڑواں بچوں جے زنٹا گڈ انف اور جین زنٹا گڈ انف کو خوش آمدید کیا ہے۔
پریتی زنٹا نے لکھا کہ وہ اور ان کے شوہر اپنی فیملی میں ان بچوں کی آمد پر بے حد خوش اور پرجوش ہیں۔
Hi everyone, I wanted to share our amazing news with all of you today. Gene & I are overjoyed & our hearts are filled with so much gratitude & with so much love as we welcome our twins Jai Zinta Goodenough & Gia Zinta Goodenough into our family. pic.twitter.com/wknLAJd1bL
— Preity G Zinta (@realpreityzinta) November 18, 2021
اداکارہ نے لکھا کہ ’اس سفر میں ساتھ دینے والے ڈاکٹرز، نرسرز اور سروگیٹ (بچوں کو جنم دینے والی ماں) کا شکریہ بھی ادا کیا۔
واضح رہے کہ بالی وڈ اداکارہ پریتی زنٹا کی شادی اپنے ایک امریکی دوست سے2016 میں ہوئی تھی۔ اس سے قبل پریتی زنٹا کی سابق بوائے فرینڈ نیس واڈیا سے تشدد کے الزامات کے بعد علیحدگی ہوگئی تھی۔ انھوں نے واڈایا کے خلاف قانونی کارروائی بھی کی تھی۔
