واشنگٹن : امریکہ میں ہونے والے ایک ٹریفک حادثے نے دیکھنے والوں کے دل دہلا دیئے،18وہیلر ٹرک نے کار کو بری طرح کچل ڈالا۔
کہتے ہیں کہ جسے اللہ رکھے اسے کون چکھے یہ مثال اس خوس قسمت خاتون پر صادق آتی ہے جس کی کار دیوہیکل ٹرک کے نیچے آکر اس بری طرح پچک گئی کہ گمان نہیں کیا جاسکتا تھا کہ ڈرائیور زندہ بچ گیا ہو۔
اس اندوہناک حادثے کا شکار ہونے والی کار کی ڈرائیور خاتون محفوظ رہی جو کسی معجزے سے کم نہیں تھا۔ واشنگٹن سے تعلق رکھنے والی 46 سالہ خاتون کو معمولی چوٹیں آئیں جب شہرکے انٹر اسٹیٹ فائیو پر اس کی کار کچل گئی تھی، اس حادثے کے بعد کار مکمل طور پر تباہ ہوگئی۔
There’s really not a word to describe this collision. Miraculously believed to be minor injuries. The car was struck from behind, folded the car in half, and semi came to rest on top of the car. In my 14 year career, I have never seen anything like it. https://t.co/iUsSNIhHYV pic.twitter.com/EPGI70s3Um
— Trooper Rocky Oliphant (@wspd7pio) November 16, 2021
ہوا یوں کہ گزشتہ روز ایک خاتون اپنی نسان الٹیما کار چلا رہی تھی جب اس کے پیچھے ایک تیز رفتار 18وہیلر ٹرک کا ڈرائیور اسے روکنے میں ناکام ہوگیا اور ٹرک کارٹکرا کر اسے آگے دھکیلتے ہوئے دوسرے ٹرک سےجا ٹکرایا۔ جس کی وجہ سے کار اس کے نیچے آکر دب گئی۔
اطلاع ملتے ہیں پولیس اور امدادی ٹیمیں جائے وقوعہ پر پہنچیں تو دیکھا کہ دیوہیکل ٹرک کے نیچے کار بری طرح پھنسی ہوئی ہے اور اس میں سے کسی کے کراہنے کی آوازیں آرہی ہیں۔
غیر ملکی خبر رساں ادارے کی رپورٹ کے مطابق امدادی ٹیم کے سربراہ کا کہنا تھا کہ تھوڑی سی کوشش کے بعد اس خاتون کو باآسانی خیریت سے باہر نکال لیا گیا، یہ منظر میں نے اپنی 14سالہ نوکری کے دوران پہلی بات دیکھا۔