آل پاکستان پیٹرول پمپس ڈیلرز ایسوسی ایشن نے ملک بھر میں ہڑتال کا اعلان کر دیا۔
سیکرٹری پاکستان پیٹرول پمپس ڈیلرز نے ہڑتال کا اعلان کرتے ہوئے کہا ہے کہ 25نومبر کو ملک بھر میں پیٹرول پمپس بند ہوں گے۔ گلگت بلتستان اور آزادکشمیر میں بھی پیٹرول پمپس بند رکھے جائیں گے۔
سیکرٹری نعمان علی بٹ کا کہنا ہے کہ حکومت کی یقین دہانی کے بعد پانچ نومبر کی ہڑتال کی کال واپس کی تھی اب ڈیلر مارجن 6 فیصد کیے جانے تک مذاکرات نہیں ہوں گے۔
حکومت سیلز ٹیکس کی مد میں صرف 1.43 فیصد حاصل کرے گی 17 فیصد کے بجائے۰ اندازہ لگائے اگر پورا 17 فیصد وصول کیا جاتا تو قیمت 160 سے بھی زیادہ ہو جاتی اور مزید اگر 30 روپے لیوی لیا جاتا تو پٹرول 180 روپے فی لیٹر ہوتا۰ فی لیٹر 35 روپے حکومت نے اپنے چھوڑے ہیں۰ pic.twitter.com/iRul508c15
— Muzzammil Aslam (@MuzzammilAslam3) November 5, 2021
واضح رہے کہ ترجمان وزارت خزانہ مزمل اسلم نے سماجی رابطے کی ویب سائٹ ٹوئٹر پر پٹرولیم مصنوعات کی قیمتوں میں اضافے کے حوالے سے اپنے بیان میں کہا کہ حکومت سیلز ٹیکس17 فیصد کی بجائے 1.43فیصد حاصل کرے گی، پورا 17فیصد وصول ہوتا تو پٹرول قیمت 160سے زیادہ ہو جاتی، مزید اگر 30روپے لیوی لیاجاتا تو پٹرول 180 روپے فی لیٹر ہوتا، حکومت نےاپنے فی لیٹر 35روپےچھوڑے ہیں۔