نئی دہلی: بھارتی ریاست کیرالہ میں کھیلنے کے دوران بارہ سالے بچے پر قیامت ٹوٹ پڑی۔
بھارتی میڈیا رپورٹ کے مطابق کیرالہ کے کنور ضلع میں آئس کریم کی گیند پھٹنے سے 12 سالہ لڑکا زخمی ہوگیا ہے، زخمی لڑکے کی شناخت سری وردھن کے نام سے ہوئی ہے جو ناریویل کا رہنے والا ہے۔
پولیس کے مطابق حادثہ اس وقت پیش آیا جب لڑکا اس آئس کریم بال سے کھیل رہا تھا جس میں دھماکہ خیز مواد تھا، تاہم اس حادثے میں کوئی دوسرا شخص زخمی نہیں ہوا۔
یہ بھی پڑھیں: بھارت میں شدید بارشوں نے تباہی مچادی، 25 افراد ہلاک
پولیس کے مطابق دھماکہ اس وقت ہوا جب بچے نے گیند میں کچھ محسوس کیا اسی دوران اس نے گیند کو پھینک دیا۔
پولیس نے واقعے کا مقدمہ درج کر لیا ہے اور آئس کریم بال میں موجود اجزاء کی تفصیلات جاننے کے لیے مواد کو بم ڈسپوزل اسکواڈ کے سپر کردیا ہے۔
بھارتی میڈیا کے مطابق رواں سال کنور ضلع میں آئس کریم بم پھٹنے کا یہ دوسرا واقعہ ہے، اس سے قبل مئی میں بھی ایسا دھماکا ہوا تھا، واقعے میں دو بچے زخمی ہوگئے تھے۔
