کراچی میں کار چوری اور چھینا جھپٹی کی وارداتوں میں اضافے سے متعلق اہم انکشاف سامنے آگیا۔
اے آر وائی نیوز کے مطابق کراچی کے مختلف علاقوں میں کار چوری اور دیگر جرازئم کی وارداتوں میں کئی گروپوں کے ملوث ہونے کا انکشاف ہوا ہے۔
ذرائع کا کہنا ہے کہ گاڑیاں اور موٹر سائیکلیں چھین کر اندرون سندھ اور بلوچستان میں فروخت کی جاتی ہیں۔
ذرائع کے مطابق ایک گروپ گاڑی چھینتا اور چوری کرتا ہے تو دوسرا گروپ اس گاڑی کو دوسرے شہر پہنچانے کا کام کرتا ہے زیادہ تر گاڑیاں حب بلوچستان اور اندرون سندھ بھیجی جاتی ہیں۔
کراچی میں مختلف گروپس منظم طریقے سے گاڑیاں چوری کرتے ہیں، نئی گاڑیوں کے ساتھ ساتھ پرانی گاڑیاں بھی چھینی جارہی ہیں۔
گاڑی چوری کی وارداتوں میں ملوث ملزمان منٹوں میں چوری کرکے رفو چکر ہوجاتے ہیں۔
چوری کی بڑھھتی وارداتوں پر پولیس بے بس نظر آتی ہے، ذرائع کا کہنا ہے کہ پولیس کی جانب سے کار چوری اور چھینی گئی وارداتوں کو ٹھیک طریقے سے ڈیل نہیں کیا جاتا۔
ذرائع کا بتانا ہے کہ اس طرح کی وارداتیں خطرناک حد تک بڑھ چکی ہیں جبکہ پولیس کو بھی اس کی روک تھام کے لیے نفری کی کمی کا سامنا ہے۔
