سندھ حکومت نے کورونا کی نئی قسم کے خدشات کو مدنظر رکھتے ہوئے سی کیٹگری میں شامل اضلاع کے ہوٹلز میں 50 فیصد نشستیں خالی رکھنے کی پابندی عائد کر دی۔
محکمہ داخلہ سندھ نے کورونا ایس او پیز سے متعلق نیا حکم نامہ جاری کر دیا ہے جس کے مطابق کراچی ڈویژن میں ان ڈو ڈائننگ کےلئے70فیصد کی اجازت ہو گی جب کہ سندھ بھر میں سینما ہالز میں ویکسینیٹڈ افراد کے داخلے کی اجازت برقرار ہے۔
محکمہ داخلہ کے مطابق کاروباری مراکز رات دس بجے تک کھلے رکھنے کی اجازت ہو گی، لاڑکانہ, میرپورخاص, حیدرآباد ڈویژن , خیرپور گھوٹکی میں 300افراد سےزائد کےشادی بیاہ کےاجتماعات پر پابندی عائد ہو گی۔ سانگھڑ سکھر اضلاع اور کراچی ڈویژن میں 500افراد کےان ڈور اجتماعات کی اجازت ہوگی۔ کراچی ڈویژن سانگھڑ اور سکھر اضلاع میں ویکسینیشن مہم بہتر ہونے پر بی کیٹگری میں شامل کیا گیا ہے۔
تمام تعلیمی ادارے بدستور کھلے رہیں گے جب کہ سیاحت, تفریح پارکس, سوئمنگ پولز اور فلائٹ میں سفر کورونا ویکسین سے مشروط ہو گا۔
سندھ میں وبائی امراض ایکٹ کےتحت نئی پابندیاں 15دسمبر تک نافذالعمل ہوں گی۔
