ہرارے: افریقی ملک زمبابوے نے کورونا وائرس کی نئی قسم ‘اومی کرون’ کے پیش نظر مسافروں کے لیے پابندیاں سخت کرنے کا اعلان کردیا ہے۔
غیرملکی خبررساں ادارے کی رپورٹ کے مطابق زمبابوے میں رات 9 سے صبح 6 بجےتک کرفیو ہوگا، حکومت نے تمام آنے والے مسافروں کے لیے قرنطینہ لازمی قرار دے دیا۔
رپورٹ میں بتایا گیا کہ زمبابوے آنے والوں کو پی سی آر ٹیسٹ کرانا ہوگا۔
جنوبی افریقا سے نمودار ہونے والی کورونا وائرس کی نئی قسم دنیا بھر میں پھیل رہی ہے، افریقی ممالک کے بعد اومی کرون اب سعودی عرب بھی پہنچ چکا ہے۔
کورونا ویرینٹ ‘اومی کرون’ سعودی عرب بھی پہنچ گیا
ادھر نائیجیریا میں بھی اومی کرون ویرئنٹ کا پہلا کیس سامنے آگیا۔
خیال رہے کہ چینی کمپنی کی تیار کردہ کووڈ 19 ویکسین سائنو ویک کے بارے میں کہا گیا ہے کہ وائرس کی نئی قسم اومیکرون سے نمٹنے کے لیے اس ویکسین کو جلد اپ ڈیٹ کیا جاسکتا ہے۔
کورونا کی نئی اور خطرناک صورت حال سے نمٹنے کے لیے مختلف ممالک نے پیشگی انتظامات شروع کردیے ہیں۔
